Pantun Cinta Maluku

Nona Manis asal Paperu
Pandang pertama par abang Tulehu
Nyong dari muka dia paleng gaga 
Cuma sayang itu beta pung pela

Tatumbu mata di pesta dansa
baku krep sadap par suka
Nona manis dari Ihamahu
Seng bisa kaweng di Soahoku

Baku langgar di hari sabtu
takanal di hati par hari Minggu
Cinta batumbu di Kariuw
Seng bisa kaweng cowo ini asal Samahu

Pagi hari su putar lagu landoke 
Dorang biking baribut di ruma sabla
Ale memang abuleke 
Romantis tarus deng tunangang lama

Mangael ikang pake gosepa
pake nonae ikang kaluna
biar ada 1000 sama deng luna maya
sabiji areng-areng nona ambon saja 

Kartu exis kartu esia
kartu perdana ada pung pulsa
hubungi nona, beta takor di pulsa
seng apa2 jua, yang penting selalu setia.

Isap rokok bentol biru
ada yang menthol dingin rasanya
cuma chacha karudung biru
biking abang gugup amper mati gaya

Ujang tampias di tiris-tiris
Tamba garos sampe di poris
Cuma ale yang biking beta bisa manangis
akang pung rasa kayak hati tairis-iris
  
Ujung Mamala sampe di Hunimua
Cikar bajalang biking hosa
Ingat ale nona beta su biking dosa
kasih maaf beta biar sakali jua